其實前個星期發生咗一單，比唔批聯名戶口更離譜既事，就係連我想喺匯豐開多一個人戶口，都俾屋企樓下間匯豐分行即時拒絕。
話說我依家唯一既銀行戶口，就喺媽媽係我十四歲既時候，幫我喺匯豐開設既兒童戶口。兒童戶口既最大問題，就係唔能夠開支票，結果搞到我唔能夠用自己戶口交大學學費。
去到分行既時候，我問銀行職員，能唔能夠幫我將個兒童戶口upgrade，等我有得自己開支票，但個銀行經理話唔得。咁我問佢，能唔能夠幫我喺匯豐開多一個新既成人個人戶口。
銀行職員拎完我既身份證明文件入房問經理，之後出嚟就答我：「黃生，因為行政安排，所以我地唔能夠俾你喺匯豐開新既個人戶口，唔好意思呀」
「作為一個普通客戶，我依家連支票都開唔到，你又唔俾我upgrade兒童戶口，亦唔俾我開正式既成人戶口，依啲係乜行政安排嚟架…………?」
「黃生，其實行政安排既意思即係商業原因，咁好抱歉你都未能夠開一個新既銀行戶口，真係好唔好意思啦……」
「………………………………」
昨日林建岳話，《十年》擺獎係「政治綁架商業 」，但依家原來因為個人參與政治既身份，就搞到連個人銀行戶口都開唔到，咁樣唔係先叫做活生生嘅「政治綁架商業」？
Search